Sjraap is ’n biezónjere benaming veur ’n sjraole hoed die door allerlei invloede kèn óntsjtaon. Veur kènne ’n sjraap gezich, sjraap luppe en sjraap henj. Sjraap henj in combinatie mèt kene zien pienlik. Kene zien barste, klove in de hoed ó.a. aan de vingers. Sjraap huurt thoes in de taalfemilie van sjrabbe, sjrappe (schrabben, schrappen). Hoed kèns se sjrabbe, taegewaordig scrubbe geneump (Ingels ‘to scrub’) en kene kèns se mèt sjpeciale kenezalf behanjele. De benaming keen is geworteld in ’t Germaanse *kinan det zoewaal veur ‘splijten’ as veur ‘kiemen’ gebroek woort. Die twieëde beteikenis vinje veur ó.a. truuk in de oetdrökking “De petatte zien gaon kene.”